Qazaqstan azamattaryna kólikterdi jeńildetilgen tártippen ákelýge ruqsat beretin qujat daıyndalýda - J.Aıtjanova
ASTANA. Shildeniń 1-i. QazAqparat /Aıdar Ospanalıev/ - «Biz búgin tıisti kelisimderge sáıkes, arnaıy qaýly daıyndaýdamyz. Atalmysh qujatqa búgin - erteń qol qoıylyp, ol aqparat quraldarynda jarııalanýy tıis. Qujat jarııalanǵannan keıin kúshine enedi.
Oǵan sáıkes, aldaǵy jyldyń shilde aıynyń 1-ine deıin ımporttyq kedendik bajdardy jáne 3 jyldan 10 jylǵa deıingi aralyqta paıdalanylǵan dvıgatel kóleminiń 1 tekshe santımetrine 0,35-ten 0,6 eýro kóleminde qosymsha qun salyǵyn tóleý arqyly jeńildetilgen tártippen jeńil kólikterdi tasymaldaýǵa ruqsat etiledi», dedi búgin Ekonomıkalyq damý jáne saýda mınıstri Janar Aıtjanova atalmysh máselege baılanysty jýrnalısterge bergen suhbatynda.
Onyń aıtýynsha, atalmysh norma 1 jylǵa engizilip otyr jáne bul jeńildikterdi paıdalanatyn Qazaqstan azamattaryna ózderiniń kólikterin Reseı Federatsııasynyń aımaǵyna jetkizý úshin jalpyǵa birdeı kedendik salyqtardy tóleý qajet bolady. «ıAǵnı atalmysh norma tek jekelegen azamattar úshin engizilip otyr. Al kólik saýdasymen aınalysatyn kompanııalar bul múmkindikti paıdalana almaıdy», dedi mınıstr.
