Qazaqstan azamattaryna EO vızalyq rejımin jeńildetý máselesi qaralýda

NUR-SULTAN. QazAqparat – Eýropalyq Odaqqa Qazaqstan azamattarymyn emin-erkin barý úshin Eýropalyq komıssııamen kelissózder júrgizilip jatyr. Bul týraly QR Premer-Mınıstriniń orynbasary – Syrtqy ister mınıstri Muhtar Tileýberdi málim etti, dep habarlaıdy QazAqparat tilshisi.

«Qazaqstan men Majarstan is-qımyl jasap, kúsh-jigerin jumyldyratyn ózara múddeli halyqaralyq sıpattaǵy birqatar máseleler, onyń ishinde Qazaqstan azamattary úshin Eýropalyq Odaqtyń vızalyq rejımin jeńildetýge qatysty máseleler qaraldy», - dedi Muhtar Tileýberdi Majarstan Syrtqy ekonomıkalyq baılanystar jáne syrtqy ister mınıstri Peter Sııartomen kelissózderden keıin.

«Eýropalyq Odaqqa bizdiń azamattarymyn emin-erkin barý úshin biz Eýropalyq komıssııamen qazir kelissózderdi ótkizip jatyrmyz. Birinshiden, bul protsess birtindep engiziledi. Eń aldymen, qazirgi ýaqyttaǵy bizdiń talabymyz – elimiz azamattaryna tólqujattarǵa qatysty jeńildetý. Búgingi kelissózder barysynda Peter Sııartomen bul taqyrypty talqyladyq. Majarstan tarapy bul kelissózder boıynsha óz kómegin jasamaq», - dedi QR Syrty ister mınıstri tilshiler saýalyna jaýpa bere otyryp.

Budan buryn habarlanǵandaı, búgingi kelessiózderden keıin taraptar eki el arasyndaǵy birneshe qujatqa qol qoıdy.

Aıta keteıik, Ortalyq Azııa óńirinde majar kompanııalarynyń múmkindikteri keńeıtilmek.