Qazaqstan azamattaryn Ońtústik Koreıadan evakýatsııalaý máselesi kóterilgen joq - SІM

NUR-SULTAN. QazAqparat - Ońtústik Koreıadan Qazaqstan azamattaryn evakýatsııalaý máselesi kóterilgen joq. Bul týraly QR Syrtqy ister mınıstrliginiń resmı ókili Aıbek Smadııarov aıtty, dep habarlaıdy QazAqparat tilshisi.

Koronavırýs anyqtalǵan elderdegi bizdiń Elshilikter kúsheıtilgen jumys rejımine kóshkeni belgili. Elshilikterdiń áleýmettik jelilerdegi paraqshalary men resmı saıttarynda konsýldyq esepke turý qajetti týraly aqparat jarııalanǵan. Máselen, ótken brıfıngte biz Ońtústik Koreıada 800-den azamatymyzdyń konsýldyq esepte turǵanyn aıtsaq, búginde olardyń sany 1,5 myńǵa jetip otyr. Ózderińizde bilesizder, ol jaqta 35 myń azamatymyz bar. Ázirshe olardy evakýatsııalaý máselesi kóterilip otyrǵan joq», - dedi Aıbek Smadııarov.

Resmı ókil Qazaqstan men Ońtústik Koreıa arasynda turaqty áýe reısteriniń bar ekendigin aıtty. Degenmen, olardyń sanynyń qysqarǵanyn eskertip ótti.