Qazaqstan azamattaryn Lıtvaǵa kirgizbeı qoıdy
ASTANA. QazAqparat - Úsh balasy bar ıÝsýpovtar áýletine Vılnıýstyń áýejaıynan ary qaraı shyǵýǵa tyıym salyndy. Al olardyń vızalaryn toqtatty, dep xabarlaıdy QazAqparat tilshisi.
Qazaqstan azamattaryn áýejaıdyń jertólesinde 16 saǵat boıy ustady. Syrtqy ister mınıstrliginiń ókilderi ony buqaralyq aqparat quraldarynan bildi. Sebebi Adılıa ıÝsýpovanyń ózi Lıtvadaǵy Qazaqstan elshiligine xabarlasqan joq. Shekara qyzmetiniń málimeti boıynsha, úsh balasy bar Adılıa ıÝsýpova Vılnıýske naýryzdyń 26-sy kúni ushyp kelgen.
"Qazaqstannyń konsýly áýejaıdyń shekara qyzmetine xabarlasyp, máseleniń mán-jaıyn bildi. Tólqujat tekserisi kezinde shekarashylar sapardyń maqsaty jaıynda suraǵan eken. Shengen vızasy alynǵanda "Lıtvadaǵy týrızm" dep kórsetilgen edi. Alaıda ıÝsýpovanyń qol júgin teksergende ishinen ary qaraı Germanııaǵa ushatyn áýe bıletteri shyqty. Sol sebepti oǵan Lıtvaǵa kirýge tyıym salyndy. Ázirshe, bunyń bári - aldyn ala aqparat. Lıtvanyń shekara qyzmeti barlyq qujattardyń kóshirmesin kelesi aptada bizdiń dıplomattarymyzǵa berýi tıis", - deıdi mınıstrliktiń baspasóz xatshysy Ánýar Jaınaqov.
Budan bólek, mınıstrlik Adılıa ıÝsýpovaǵa konsýldyq qyzmet departamentine xabarlasýǵa keńes berdi. Sol aqparattyń negizinde vedomstvo onyń quqyqtaryn qorǵaı alady.
Jalpy, mınıstrlik barlyq qazaqstandyq týrısterdi ondaı jaǵdaıda birden Qazaqstan konsýlymen baılanysýǵa úndep otyr. Ol úshin aǵylshyn tilinde «Please get in touch with the consul of the Republic of Kazakhstan», ıa bolmasa, orys tilinde «Proshý svıazatsıa s konsýlom Respýblıkı Kazahstan» degendi aıtý qajet. Shetelge shyqqanda elshiliktiń telefonyn jazyp alǵan durys. Sondaı-aq mınıstrlik saıtyndaǵy arnaıy nusqaýlyqpen tanysyp shyqqan artyq etpeıdi.
