Qazaqstan azamattaryn halyqaralyq esirtki trafıgine tartqan ıordanııalyq ustaldy
ASTANA. QazAqparat - Grýzııanyń quqyq qorǵaý organdary Tbılısı áýejaıynda QR ІІM Interpol Ulttyq ortalyq bıýrosynyń suraýy boıynsha Qazaqstan azamattaryn halyqaralyq esirtki trafıgine tartqany úshin izdeýde bolǵan Iordanııa azamatyn ustady. Bul týraly QR ІІM Memlekettik til jáne aqparat departamentiniń dırektory Almas Sadýbaev máim etti, dep habarlaıdy QazAqparat.
Buǵan deıin habarlaǵandaı Brazılııanyń San-Paýlý qalasynda Qazaqstannyń eki azamatshasy ustalyp, olardan 2 keliden kokaın tárkilengen bolatyn.
«Atalǵan faktini QR ІІM Esirtki bıznesimen kúres departamenti tergeý barysynda almaz buıymdaryn tasymaldaý jeleýimen eki qaraǵandylyqty iske tartyp, olardy Brazılııaǵa jibergen Qaraǵandynyń 25 jastaǵy turǵynyn anyqtap, ustady. Atalǵan qylmysty jasaǵany úshin ol qazaqstandyq sot sheshimimen 6,8 jylǵa bas bostandyǵynan aıyryldy. Sonymen qatar qazaqstandyq polıtsııa qazaqstandyqtardy aldap iske tartqan Iordanııa azamaty Amer Bassam Samer Salamehke izdeý jarııalaǵan bolatyn. Ol kúni keshe Grýzııada ustaldy», - dedi ol.
Onyń dereginshe, QR SІM kómegimen San-Paýlý qalalyq sotyna ustalǵan qaraǵandylyqtyń kinásizdigi dáleldenip, ol tolyqtaı aqtalǵan. Al Brazılııada ustalǵan ekinshi azamatshamyz 7 jylǵa bas bostandyǵynan aıyrylǵan. Qazirgi ýaqytta brazılııalyq polıtsııa QR ІІM-niń kómegimen atalǵan eldiń aýmaǵyndaǵy halyqaralyq esirtki toptarynyń baılanystaryn tergeý júrgizilýde.
«Transulttyq qylmystyq topty QR ІІM AQSh-tyń Esirtkimen kúres basqarmasynyń qoldaýymen, QR SІM-men birge joıdy», - dedi Almas Sadýbaev.
