Qazaqstan azamattary Vetnamǵa vızasyz bara alady

ASTANA. QazAqparat – Qazaqstan Respýblıkasynyń Úkimeti men Vetnam Sotsıalıstik Respýblıkasynyń Úkimeti arasyndaǵy ulttyq pasporttardyń ıelerin vızalyq talaptardan bosatý týraly kelisim jasaldy.

Bul týraly QazAqparat Aqordanyń baspasóz qyzmetine silteme jasap habarlaıdy.

Aıta keteıik, Memleket basshysy Qasym-Jomart Toqaev Vetnamda resmı saparmen júr.

Búgin Prezıdent Vetnam basshysymen kelissózder júrgizdi, jáne ony elimizge memlekettik saparmen kelýge shaqyrdy.

Osy jolǵy sapar aıasynda Qazaqstan men Vetnam arasynda 12 qujatqa qol qoıyldy.

Qujattardyń arasynda Qazaqstan men Vetnam Úkimeti arasyndaǵy ulttyq pasporttardyń ıelerin vızalyq talaptardan bosatý týraly kelisim bar.