Qazaqstan azamattary úshin qajylyq sapar arzandaýy múmkin
QMDB baspasóz hatshysy Aǵabek Qonarbaıulynyń Facebook paraqshasyndaǵy málimetke sáıkes, kezdesýde osy jylǵy úlken qajylyq saparyn sapaly uıymdastyrý máseleleri sóz bolǵan.
Naýryzbaı qajy Taǵanuly qazaqstandyq qajylarǵa qolaıly jaǵdaı jasaýǵv qatysty mınıstrge usynysyn jetkizdi.
Atap aıtqanda, Bas múftı Qazaqstan qajylaryn jetkizetin áýe tasymalynyń qyzmet qunyn halyqqa tıimdi baǵada bekitý, otandastarymyzdyń qaýipsizdigin qamtamasyz etý, qonaqúı baǵasyna barynsha jeńildik jasaý, qyzmet sapasyn arttyrý, tólem jasaý júıesin ońtaılandyrý syndy máselelerge basa nazar aýdardy.
«Allaǵa shúkir, elimizde qajylyq paryzyn oryndaýǵa nıet bildirýshiler sany jyldan jylǵa artyp keledi. Bizdiń maqsat – qajylyq saparyn joǵary deńgeıde uıymdastyrý. Qazaqstan qajylyq mıssııasy osy baǵytta nátıjeli jumys istep keledi. Sizder taraptan qyzmet kórsetý baǵasyna jeńildikter jasalsa degen tilegimiz bar. Bul qadam bizdiń qajylarǵa úlken qoldaý bolar edi», - dedi Naýryzbaı qajy Taǵanuly.
Óz kezeginde SAK Qajylyq jáne umra mınıstri Taýfık ıbn Faýzan ar-Rabıa qazaqstandyq qajylarǵa mınıstrlik tarapynan barynsha qoldaý kórsetiletinin jetkizdi.
Kezdesý sońynda taraptar ekijaqty yntymaqtastyqty arttyrýǵa kelisti.
Esterińizge sala ketsek, ótken jyly 4 myń jerlesimiz úlken qajylyǵyn ótep keldi.
Otandastarymyzǵa 14 týrıstik kompanııa qyzmet kórsetti. Qajylarǵa qyzmet kórsetýge laıyqty týrıstik fırmalar konkýrstyq negizde anyqtaldy.
Foto: facebook.com/Aǵabek Qonarbaıuly
