Qazaqstan azamattary úshin Eýropaǵa vızasyz barý máselesi talqylanyp jatyr

ASTANA. QazAqparat – Eýropalyq depýtattar Qazaqstan azamattaryna vızalyq rıjimdi jeńildetý baǵytynda konsýltatsııany bastaý týraly usynysty pysyqtaýy múmkin, dep habarlaıdy QazAqparat tilshisi.

«QR Syrtqy ister mınıstrligi Qazaqstan azamatttarynyń shet elderge, sonyń ishinde Eýropa odaǵy elderine barý úshin vızalyq rejımdi jeńildetý boıynsha tıisti jumystardy turaqty túrde jalǵastyryp keledi. 2023 jylǵy 21-23 tamyzda Qazaqstanǵa Eýropalyq parlamenttiń (EP) Syrtqy ister boıynsha komıtetiniń tóraǵasy Devıd Makallıster bastaǵan bir top depýtattar delegatsııasynyń issapary ótkeni málim. Atalǵan sapar barysynda eýropalyq depýtattar men Qazaqstannyń birqatar memlekettik organy, sonyń ishinde Syrtqy ister mınıstrliginiń resmı ókilderi arasynda kelissózder boldy», - delingen mınıstrliktiń «QazAqparat» agenttigine bergen jaýabynda.

Atalǵan jıynda Qazaqstan jaǵy elimizdiń azamattary úshin ońtaılandyrylǵan vızalyq tártip engizý boıynsha resmı konsýltatsııalardy bastaýdyń mańyzdylyǵyn atap ótip, bul úderis Qazaqstannyń Eýropa odaǵymen jaqyndasýyna yqpal etetinin jetkizdi.

«Konsýltatsııalardyń nátıjesinde eýropalyq depýtattar Qazaqstan men EO memleketteri azamattarynyń ózara saparlardyń artýyna alyp keledi degen pikirmen kelisti. Óz kezeginde, Qazaqstannyń Syrtqy ister mınıstrligi aldaǵy ýaqytta bul baǵyttaǵy jumysty jalǵastyrady», - dep atalyp ótken vedomstvo aqparatyndy.