Qazaqstan azamattary Qyrǵyzstanda úı tonaǵan
ASTANA. QazAqparat - Qazaqstan azamattary Qyrǵyzstannyń Shý oblysyndaǵy úıdi tonap, 847 myń 600 somnyń tehnıkasyn alyp ketken, dep habarlaıdy knews.kg .
Shý oblystyq BІІB baspasóz qyzmetiniń málimetinshe, 19 sáýir kúni Soqulyq aýdanyndaǵy ishki ister organdaryna 30 jastaǵy D.A. esimdi Gavrılovka aýylynyń turǵynynan shaǵym túsken.
Habarlamada «18 sáýir kúni beımálim bireýler úıge kirip, 10 myń som turatyn NTS markaly uıaly telefon, 800 dollar ACER noýtbýgyn, 8 myń som turatyn altyn buıymdardy jáne 10 myń dollardy jymqyryp, oqıǵa ornynan izderin sýytqan. Shyǵynnyń jalpy somasy 847 myń 600 somdy quraıdy. Jaqynda polıtsııa qyzmetkerleri kúdikti dep tanylǵan Qazaqstan jáne Qyrǵyzstan azamattaryn ustady. Olar: 25 jasar A.A.esimdi Qazaqstan azamaty, buǵan deıin urlyq jasaǵany úshin birneshe ret sottalǵan, 22 jasar Ch.P. esimdi Qazaqstan azamaty jáne 21 jastaǵy I.E., Ystyqkól oblysynyń turǵyny. Ustalǵandardyń Soqulyq aýdanyndaǵy osyǵan uqsas tórt qylmysqa qatysy bary anyqtaldy. Tekserý jumystary jalǵasady» delingen habarlamada.
