Qazaqstan azamattarynyń atyna 61 ushaq pen 58 ıahta tirkelgen

Qazaqstan azamattarynyń atyna 61 ushaq pen 58 ıahta tirkelgen, dep habarlaıdy QazAqparat tilshisi.

«Azamattarǵa áýe kemelerin, ıahtalardy memlekettik tirkeýdi júzege asyrý máselesi Qazaqstan Respýblıkasy Kólik mınıstrliginiń quzyretine jatady. Qazaqstan Respýblıkasy Kólik mınıstrliginiń aqparattaryna sákes, 2022 jyly Qazaqstan Respýblıkasynyń azamattaryna 61 azamattyq áýe kemesi jáne 58 ıahta tirkelgen», - dep atap ótedi Memlekettik kirister komıteti agenttik tilshisiniń resmı saýalyna bergen jaýabynda.

Komıtet málimetinshe, elimizdi Salyq kodeksinde qymbat jyljymaıtyn múlik uǵymy qarastyrylmaǵan.

«ıAǵnı qymbat jyljymaıtyn múlikterdi aıqyndaý ólshemsharttary joq. Osyǵan oraı, Qazaqstan Respýblıkasynyń azamattarynyń atynda qansha qymbat jyljymaıtyn múlik bar ekendigi týraly aqparat memlekettik kirister organdarynda joq», - dedi vedomstvodan.