Qazaqstan azamattaryna Bangladeshke ýaqytsha barmaý usynyldy
ASTANA. KAZINFORM — Bangladesh Halyq Respýblıkasyndaǵy qalyptasqan jaǵdaıǵa baılanysty Qazaqstan Respýblıkasynyń Syrtqy ister mınıstrligi QR azamattaryna atalǵan elge ahýal turaqtanǵanǵa deıin barýdan ýaqytsha bas tartýdy usyndy.
«Qazirgi ýaqytta Bangladeshte júrgen Qazaqstan azamattarynan asa qajettilik bolmasa turyp jatqan jerlerinen shyqpaýdy, qaýipsizdik sharalaryn barynsha kúsheıtýdi, saqtyq pen qyraǵylyq tanytýdy, jańalyqtar qadaǵalaýdy jáne bıliktiń usynymdaryn oryndaýdy, sondaı-aq Qazaqstan Syrtqy ister mınıstrligi men Bangladesh Halyq Respýblıkasyndaǵy qyzmetin qosa atqarýshy Úndistan Respýblıkasyndaǵy Elshiligimen turaqty baılanysta bolýdy suraımyz», - delingen habarlamada.
Qosymsha jáne jedel aqparat alý úshin Bangladeshte júrgen QR azamattary men olardyń Qazaqstandaǵy týystary tómendegi baılanys nómirler arqyly shuǵyl habarlasa alady.
QR SІM-niń baılanys nómirleri:
+7 (7172) 720111 (kezekshi dıplomat)
+7 705 443 33 32 (uıaly telefon, WhatsApp)
Qazaqstan Respýblıkasynyń Úndistan Respýblıkasyndaǵy Elshiliginiń baılanys nómirleri:
+91 1145 555 106
+91 9667 118 363
