Qazaqstan azamattaryn Izraıl men Irannan evakýatsııalap jatyr – SІM
ASTANA. KAZINFORM - Qazaqstan Respýblıkasynyń Syrtqy ister mınıstrligi úılestirilgen evakýatsııalyq is-sharalar sheńberinde Izraılden 66 otandasty (Mysyr aýmaǵy arqyly), Irannan 78 azamatty (Armenııa arqyly – 73, Ázerbaıjan – 2, Túrikmenstan – 3) shyǵardy.
Bul týraly QR Syrtqy ister mınıstrliginiń baspasóz qyzmeti habarlady.
Iran jáne Izraıldegi qazaqstandyq dıplomattar óz azamattaryna qajetti konsýldyq-quqyqtyq kómekti qamtamasyz etý boıynsha jumysty jalǵastyrýda.
QR SІM Izraıl, Mysyr jáne Armenııa bıligine óz rızashylyǵyn bildiredi, sondaı-aq qazaqstandyqtardy evakýatsııalaýǵa qoldaý kórsetip júrgen ırandyq, ázerbaıjan jáne túrikmen áriptesterine qaıta alǵys aıtady.
- Birlesken kúsh-jigerdiń arqasynda azamattarymyz úılerine aman-esen oralýǵa múmkindik alýda,-delingen habarlamada.
Osyǵan deıin QR Syrtqy ister mınıstrligi Iran men Izraılde júrgen azamattaryna eskertý jasaǵanyn jazdyq.