Qazaqstan azamattary Iran aýmaǵynan jer joldar arqyly shyǵarylady — SІM
ASTANA. KAZINFORM — Qazaqstan azamattary Iran aýmaǵynan jer joldar arqyly shyǵarylady. Bul týraly Syrtqy ister mınıstriniń orynbasary Álibek Baqaev aıtty.
— Irannyń áýe keńistigi jabyq. Sondyqtan azmattarymyz jer jolmen Armenııa, Ázerbaıjan, Túrikmenstan arqyly ǵana shyǵa alady. Syrtqy ister mınıstri áriptesterimen telefon arqyly kelissóz júrgizdi. Keshe Irannyń soltústigindegi Gorgan qalasynda bolǵan shamamen 17 adamdy Túrikmenstan aýmaǵy arqyly shyǵara aldyq. Shekaradaǵy eń jaqyn túıisý núktesi Túrikmenstanmen boldy. Sondyqtan Túrikmenstan bıligi ruqsat berip, azamattarymyz din aman shekarany kesip ótti. Qazirgi ýaqytta Qazaqstanǵa qaraı jolǵa shyqty, — dedi Álibek Baqaev.
Buǵan deıin Irannan kórshiles elder arqyly Qazaqstan azamattaryn evakýatsııalaýdyń baǵyttary anyqtalǵan edi.
