Qazaqstan azamattary Indonezııaǵa vızasyz saıahattaı alady
ASTANA. KAZINFORM — 2026 jylǵy shilde aıynan bastap, Qazaqstan azamattary Indonezııa Respýblıkasyna 30 kúnge deıin vızasyz kire alady. Vızasyz rejımniń mán-jaıyn QR Syrtqy ister mınıstrliginiń resmı ókili Janbolat Úsenov aptalyq brıfıngte aıtyp berdi.
Resmı ókildiń aıtýynsha, vızasyz rejım engizý týraly sheshim qabyldaý kezinde Indonezııa tarapy ózara túsinistik qaǵıdatyn basshylyqqa aldy.
— Buǵan deıin Qazaqstan Indonezııa azamattaryna Qazaqstan aýmaǵyna vızasyz kirý jáne 30 kúnge deıin bolý quqyǵyn bergen bolatyn. Osylaısha eki el azamattary úshin otyz kúnge deıingi merzimge vızasyz kirý jáne bolý rejımi qoldanylady, — dedi Janbolat Úsenov.
Indonezııa tarapy belgilegen talaptarǵa sáıkes, vızasyz kirý tegin júrgiziledi jáne elge bir ret kirýge múmkindik beriledi. El aýmaǵynda bolýdyń ruqsat etilgen eń uzaq merzimi — kelgen kúnnen bastap, 30 kúndi quraıdy.
Sonymen qatar, 2025 jylǵy 1 qazannan bastap, shetelden Indonezııaǵa keletin barlyq jolaýshy all Indonesia biryńǵaı elektrondy deklaratsııasyn toltyrýǵa mindetti. Elektrondy deklaratsııany toltyrý tegin jáne ony Indonezııaǵa kelgenshe aldyn-ala rásimdeýge bolady.
Buǵan deıin QR SІM resmı ókili Grýzııada ruqsatsyz jumys istegender 5 jylǵa deıin elden shyǵarylýy múmkin ekenin aıtqan edi.
Sondaı-aq, Qazaqstannyń Syrtqy ister mınıstri BUU Bas hatshysymen kezdesedi.
