Qazaqstan azamattary birinshi AES-ke usynǵan ataýlar: Úmit, Turan, Tumar, Jaryq

ASTANA. KAZINFORM — Atom energetıkasy jónindegi agenttik tóraǵasy Almasadam Sátqalıev elimizdegi tuńǵysh atom elektr stansasyna «Balqashtan» basqa taǵy qandaı ataýlar usynylǵanyn aıtty.

- Baıqaý Qazaqstan azamattarynyń atom stansasynyń qalaı atalatyndyǵyna qatysty paıymynyń barlyq shoǵyryn alýǵa múmkindik berdi. Biz baıqaý komıssııasy retinde basym daýys negizinde sheshim qabyldadyq, - dedi agenttik basshysy Aqordada BAQ ókilderiniń saýalyna oraı.

Onyń málimetinshe, geografııalyq belgilerge jáne salaǵa qatysty Jaryq, Qýat, Іle, Moıymqum, Úlken syndy ataýlar usynyldy. Jalpy berilgen daýys sany jaǵynan «Bolashaq» ataýy ekinshi orynda turdy.

- Sondaı-aq qazaqstandyqtardyń ishki sezimderine baılanysty Úmit, Tuńǵysh syndy, tarıhı muralarmen baılanysty Turan, Uly dala, Tumar syndy óte qyzyqty ataýlar da óte kóp boldy. Osy ataýlardyń bárin saraladyq. Degenmen, baza retinde azamattardyń basym bóligi qoldaý bildirgen ataýdy aldyq. 27 myń qazaqstandyqtyń 889-y «Balqash» ataýyn tańdady, - dedi Almasadam Sátqalıev.

17 qarashada konkýrs komıssııasynyń qorytyndy otyrysynyń nátıjesi boıynsha azamattardan eń kóp usynylǵan «Balqash» atom elektr stantsııasy» ataýy jeńimpaz dep tanylǵan edi.