Qazaqstan azamattary AQSh-tan emin-erkin shyǵa alady - SІM

ASTANA. KAZINFORM – QR Syrtqy ister mınıstriniń orynbasary Álibek Baqaev AQSh-tan Qazaqstan azamattarynyń deportatsııalanýy týraly aqparatqa túsinik berdi.

Atap aıtqanda, byltyr AQSh-ta deportatsııaǵa jatatyn mıgranttardyń arasynda 369 qazaqstandyq týraly aqparat taraǵan.

- Buǵan deıin Syrtqy ister mınıstrligi AQSh-ta zańsyz júrgen Qazaqstan azamattary osy elde zańsyz júrgenderin málimdep, AQSh-tan emin-erkin shyǵa alatynyn eskertti. Saldary bolatynyn túsindirgen edik, - dedi Á. Baqaev Senatta tilshiler suraǵyna jaýap bere otyryp.

Onyń aıtýynsha, eger májbúrli deportatsııa bolsa, onda bul adamdarǵa bolashaqta AQSh-qa saparlaýǵa qıynǵa túsedi.

- Ázirge, basqa qandaı sharalar qoldanylatynyn bilmeımin, ıaǵnı osynyń bári AQSh-tyń memlekettik saıasaty aıasynda iske asyrylady. Jalpy, shetelden óz erkimen ketýge únemi ruqsat berilgen jáne solaı bolyp qala beredi. Bul múmkindik Qazaqstan azamattary úshin bar. Osy múmkindikti paıdalanbaıtyndar úshin májbúrlep deportatsııalaý tetigi qoldanylýy yqtımal, - dep túsindirdi Álibek Baqaev.

Aıta ketsek, AQSh-tyń kóshi-qon jáne keden polıtsııasynyń baıandamasyna sáıkes ótken jyly Qazaqstannyń 24 azamaty AQSh-tan shyǵarylǵan.

Eske salaıyq, AQSh-taǵy mıgratsııalyq saıasattyń qatańdatylýyna baılanysty Qazaqstan elshiligi shetelde qujatsyz, vızasyz júrgen qazaqstandyqtarǵa eskertý jasady.

Sondaı-aq mınıstrlik Qazaqstan azamattaryn AQSh-tan shyǵaryp jiberý týraly aqparat túspegenin habarlady.