Qazaqstan azamatshasy qymbat ishiktermen Qytaı shekarasynda ustaldy
ASTANA. QazAqparat - Qazaqstan-Qytaı shekarasynda kontrabandalyq júkti - qarakúzen terisinen tigilgen 57 ishikti tasymaldaý qylmysynyń izi kesildi, dep habarlaıdy «QazAqparat» HAA QR UQK Shekara qyzmetiniń baspasóz qyzmetine silteme jasap.
«Qorǵas» ótkizý beketiniń jasaǵy 32 jastaǵy Qazaqstan azamatshasyn ustady. Ol Shekara yntymaqtastyǵy halyqaralyq ortalyǵynan Qazaqstanǵa qaraı jaıaý bet alǵan. Qol júgin tekserý barysynda teri zattary - 57 dana qarakúzen ishigi tabyldy», - dep habarlady vedomstvonyń baspasóz qyzmetinen.
Ustaý faktisi boıynsha ózara baılanys organdarynyń ókilderi aqparattandyryldy.
