Qazaqstan azamatshasy eki balasymen birge Sırııadan aman-esen kóshirildi
ÁBÝ-DABI. 11 naýryz. QazAqparat - Qazaqstannyń Iordanııa men Sırııadaǵy Elshiligi qazaqstandyq azamattardy shıelenis aımaǵynan qaýipsiz jerge kóshirý boıynsha jumysty jalǵastyrýda.
9 naýryz kúni tańerteń Astanaǵa QR azamatshasy Marına Bardeeva eki balasymen (Sıýzan Haled 1999 j, ıAzan Haled 2009 j.) birge aman-esen oraldy. Buǵan deıin qazaqstandyq azamatsha sırııalyq Rakka provıntsııasynan sırııa-túrik shekara ýchaskesi arqyly qaýipsiz jerge kóshirilgen edi. Odan ári qazaqstandyq dıplomattar otandasyn «Ýrfa-Ystambul-Kıev-Astana» áýebaǵdarymen elge attandyrdy.
Qazaqstannyń Iordanııadaǵy Elshiligi M.Bardeevanyń 2012 jyly otbasymen turǵan Rakka provıntsııasyndaǵy jaǵdaı turaqtalady degen úmitpen Qazaqstannan Sırııaǵa qaıtyp oralǵanyn habarlaıdy. Alaıda aǵymdaǵy jyldyń naýryzynda Sırııanyń soltústik-shyǵysyndaǵy jaǵdaı kúrt shıelenisti, osyǵan baılanysty M.Bardeeva Qazaqstannyń dıplomatııalyq ókildiginen kómektesýdi surady.
Shıelenis aımaǵynda qazaqstandyq azamattar áli de bar. QR-dyń Iordanııa, Túrkııadaǵy Elshiligi olarǵa kómek kórsetý baǵytyndaǵy tıisti is-sharalardy atqarýda.
