Qazaqstan azamaty krıptovalıýta bopsalady degen kúdikke ilindi

ASTANA. KAZINFORM – Ulttyq qaýipsizdik komıteti shilde aıynda Almaty qalasynda sheteldik áriptesterimen birlesip, kıberqylmys jasady degen kúdikpen Qazaqstan azamatyn ustady. Bul týraly vedomstvonyń baspasóz qyzmeti habarlady.

Tergeý materıaldaryna sáıkes, kúdikti sheteldik kompanııalardyń serverlerine zańsyz qol jetkizip, kompıýterlik derekterdi shıfrlaıtyn zııandy baǵdarlamalar ornatqan. Keıin zardap shekken taraptardan derekterdi qalpyna keltirý úshin krıptovalıýta túrinde tólem talap etken.

- Tintý barysynda kıbershabýyldardy jasaý úshin qoldanylǵan zattaı aıǵaqtar tárkilendi.

Qylmystyq-protsestik kodekstiń 201-babynyń 1-bóligine sáıkes ózge aqparattar jarııa etýge jatpaıdy, - dep túsindirdi UQK baspasóz qyzmetinen.

Aıta keteıik, Qazaqstannyń qarjy naryǵynda krıptovalıýta aıyrbastaıtyn oıynshylar paıda bolady.