Qazaqstan azamaty halyqaralyq terrorıstik uıym qyzmetine qatysy bar degen kúdikpen ustaldy

ASTANA. KAZINFORM – Qazaqstan azamaty halyqaralyq terrorıstik uıym qyzmetine qatysy bar degen kúdikpen ustalyp, Astana qalasyna jetkizildi. Bul týraly UQK baspasóz qyzmeti habarlady.

Vedomstvo málimetinshe, kúdikti 2025 jylǵy 10 tamyzda Taıaý Shyǵys elderiniń birinde ustalǵan. Ol Ulttyq qaýipsizdik komıteti qyzmetkerleriniń súıemeldeýimen Qazaqstanǵa jetkizildi.

- Qazirgi ýaqytta oǵan qatysty QR Qylmystyq kodeksiniń 257-baby boıynsha qylmystyq is tergelýde. Kúdikti sot sanktsııasymen qamaýǵa alyndy. Tergeý amaldary júrgizilip jatyr, - delingen aqparatta.

QR Qylmystyq-protsestik kodeksiniń 201-baby 1-bóligine sáıkes ózge aqparat jarııa etýge jatpaıdy.

Aıta keteıik, buǵan deıin UQK Shekara qyzmetiniń eks-basshysy Darhan Dilmanov bostandyqqa shyqqany habarlandy.