Qazaqstan azamaty bar keme Úndistan portynda ustaldy: SІM nota joldady
ASTANA. KAZINFORM – Úndistannyń Paradıp portynda MT UNITY kemesi ustaldy. Ekıpaj quramynda Qazaqstan Respýblıkasynyń bir azamaty bar. Bul týraly Qazaqstan Syrtqy ister mınıstrliginiń resmı ókili Janbolat Úsenov habarlady.
— Úndistan Respýblıkasynyń Paradıp portynda 23 teńizshiden turatyn ekıpajy bar MT UNITY kemesi ustaldy. Teńizshilerdiń biri — Qazaqstan Respýblıkasynyń azamaty. Kemeniń ustalýy onyń ıesiniń jergilikti janarmaı jetkizýshisi aldyndaǵy qarjylyq qaryzyna baılanysty bolyp otyr.
Qazaqstandyq dıplomattar otandasymyzdy elge qaıtarý úshin qajetti sharalar qabyldap jatyr. Úndistan Syrtqy ister mınıstrligine máseleni sheshýge járdem kórsetý týraly ótinishpen tıisti dıplomatııalyq nota joldandy, — dep jazdy ol.
Janbolat Úsenov bul másele Syrtqy ister mınıstrliginiń baqylaýynda ekenin aıtty.
— Atalǵan Qazaqstan azamaty da, onyń otbasy músheleri de Qazaqstannyń shet elderdegi dıplomatııalyq ókildikterine kómek surap ótinish bildirmegen.
Másele Qazaqstan Respýblıkasy Syrtqy ister mınıstrliginiń baqylaýynda, — dedi resmı ókil.
