Qazaqstan aımaqtarynda qar, jel, tuman, kóktaıǵaq bolady dep kútilýde - 5 qańtarǵa aýa raıy boljamy
ASTANA. 4 qańtar. QazAqparat - Qazaqstannyń birqatar oblystarynda 5 qańtar kúni qar, jel, tuman, kóktaıǵaq bolady dep kútilýde, dep habarlaıdy QR TJM Qazrıdrometke silteme jasap.
Mańǵystaý, Atyraý, Qostanaı, Aqmola, Qaraǵandy, Qyzylorda oblystarynda keıbir jerlerde tuman, Atyraý oblysynda - kúndiz keıbir jerlerde 15-20 m/s ekpinde jel turady dep kútilýde.
Ońtústik Qazaqstan, Jambyl oblystarynda keıbir jerlerde tuman, kóktaıǵaq, jeldiń sekýndyna 15-20 metrge deıin kúsheıýi múmkin, Ońtústik Qazaqstan oblysynda - túnde taýly aımaqtarda qalyń qar jaýady.
Shyǵys Qazaqstan oblysynyń Jarma aýdanynda jeldiń ekpini sekýndyna 17-22 metrge jetedi, jaıaý borasyn bolady.
Almaty oblysynda keıbir jerlerde tuman, Jalańashkól aýdanynda sekýndyna 17-22 metr kúshpen jel soǵady.
Taıaýdaǵy táýlikterde Qazaqstannyń kóptegen sý nysandarynda muz ornaý protsesi jalǵasady. Respýblıkanyń ońtústik, ońtústik-shyǵys jáne shyǵysynda sý deńgeıleriniń aýytqýy baıqalady, bólek ózenderde sý deńgeıiniń kóterilýi múmkin.
