Qazaqstan aımaqtaryna tuman túsedi - 7 jeltoqsanǵa arnalǵan aýa raıy boljamy
ASTANA. 6 jeltoqsan. QazAqparat - Qazaqstan aýmaǵynyń kóptegen bóligine 7 jeltoqsan kúni antıtsıklon taramy áser etip, onymen birge jaýyn-shashynsyz aýa raıy, keıbir jerlerde tumannyń túsýi kútiledi.
Qazaqstannyń batys, ońtústik-batys aýdandary tsıklonnyń yqpalynda bolady, munda keıbir jerlerde jaýyn-shashyn, tuman, jeldiń kúsheıýi kútiledi, dep habarlaıdy Qazgıdrometke silteme jasaǵan TJM-niń baspasóz qyzmetinen.
Almaty oblysynda túnde jáne tańerteń keıbir jerlerde tuman kútiledi, Jalańashkól aýdanynda 18-23 m/s jyldamdyqpen jel soǵady, kúndiz jel ekpini 28 m/s deıin saqtalady.
Qostanaı, Soltústik Qazaqstan, Aqmola, Atyraý, Batys Qazaqstan, Jambyl, Ońtústik Qazaqstan oblystarynda, túnde Qaraǵandy, Aqtóbe oblystarynda keıbir jerlerde tumannyń túsýi yqtımal.
Qyzylorda oblysynyń birqatar aımaqtarynda tuman, 15-20 m/s jyldamdyqpen jel soǵady.
Shyǵys Qazaqstan oblysynyń jekelegen aýdandarynda túnde jáne tańerteń tuman túsip, kúndiz jel jyldamdyǵy 15-20 m/s deıin jetedi.
Aldaǵy táýlikte Qazaqstannyń soltústik, ortalyq, shyǵysyndaǵy sý nysandary men Almaty oblysynyń jekelegen ózenderinde muz qatý jalǵasady. Shyǵys Qazaqstan jáne Almaty oblystarynyń jekelegen ózenderinde sý deńgeıiniń aýytqýy baıqalady.
