Qazaqstan aımaqtarynda qus etiniń baǵasy qansha?
ASTANA. KAZINFORM - Jyl ishinde et jáne et ónimderiniń baǵasy 3,6% kóterildi. Alaıda qazaqstandyqtar odan bas tartqan emes. Sonyń ishinde taýyq eti suranysqa ıe. Oǵan ne sebep jáne aımaqtarda qus etiniń baǵasy qansha ekenin Kazinform tilshisi anyqtap bildi.
Qazaqstan naryǵynda qus etine degen suranys artyp keledi. Sonyń ishinde durys tamaqtanýǵa bet burǵan adamdar arasynda tez qortylatyn etti tutynatyndar kóbeıdi. Olar as márizine taýyqtyń tós etin qosady. Aryqtaýdy maqsat etken adamdar da osy joldy tańdaıdy.
Taýyq - eń kóp taraǵan et túri. Dámdi ǵana emes, baǵasy ózgelerge qaraǵanda tómen. As ázirlegende de tez pisedi, paıdaly.
Taýyq etin tasymaldaýǵa keler bolsaq, dál qazir ımportqa qaraǵanda eksport úsh ese az. Taýyq eti kóbine Reseıden tasymaldanady. Ulttyq statıstıka bıýrosynyń habarlaýynsha, 2024 jyldyń qańtar aıynan shildege deıin elimizden quny 43 mln AQSh dollary bolatyn 25 myń tonna qus eti eksporttaldy. Al Qazaqstan quny 1 mlrd AQSh dollary bolatyn 72 myń tonna qus etin ımporttady. Endi Qazaqstan aımaqtaryndaǵy qus etiniń baǵasyn saralaıyq. Kóbine adamdar taýyqtyń tós etin, qanaty men san etin tutynady. Olardyń aımaq bazarlaryndaǵy baǵasy mynadaı:
Aıta keteıik, ótken aptada sıyr etiniń baǵasy kóterildi.
Buǵan deıin habarlaǵanymyzdaı, Qazaqstanda áleýmettik mańyzy bar taýar tizimi ózgerip, azyq-túlik qunyn negizsiz kótergenderge jaza kúsheıedi.
