Qazaqstan aımaqtarynda brıtandyq bilim berý standarttarynyń aýqymy keńeıtilip jatyr

ASTANA. KAZINFORM - Prezıdent Qasym-Jomart Toqaevtyń joǵary bilim berýdi ınternatsıonaldandyrý jónindegi tapsyrmalaryn júzege asyrý sheńberinde Primus Education iri ınvestıtsııalyq holdıngi Qazaqstanda brıtandyq bilim berý standarttaryn engizýdi josparlap otyr.

Prezıdent Alıster Bartolomıý KGIR-2025 alańdarynda bul jumys tek iri qalalarda ǵana emes, sonymen qatar óńirlik damýǵa da baǵyttalatynyn atap ótti.

Onyń aıtýynsha, birlesken jobalar qazaqstandyq jastarǵa tikeleı óz elinde halyqaralyq bilim alý múmkindikterin usyna otyryp, adamı kapıtaldy saqtaýǵa baǵyttalǵan. Mundaı múmkindik mektep deńgeıinde de, ýnıversıtet deńgeıinde de bar.

«Olardyń qyzyǵýshylyǵy mol, yntasy zor, rýhy órshil, sondyqtan da osynyń barlyǵyn aǵylshyn bilimimen úılestire túsý shyn máninde jetistikter tarıhyna bastaıdy», — dep atap ótti Alıster Bartolomıý.

Joǵary standarttaǵy alǵashqy bilim ordalary búginde Astana qalasynda ashylǵan, dese de óńirlerde de ashý josparda tur. Shymkent, Aqtaý, Qaraǵandy qalalarynan oqý oryndaryn ashý qarastyrylǵan.

«Biz Qazaqstanda adamı kapıtaldy saqtaýǵa tikeleı kómektesemiz. Jastar mektep deńgeıinde de, ýnıversıtet deńgeıinde bastapqyda óz elinde otyryp halyqaralyq deńgeıdegi bilimdi ala alady. Bul olardyń bolashaǵy úshin óte mańyzdy», — dep atap ótti Primus Education prezıdenti Alıster Bartolomıý.

Osyǵan deıin Almatynyń ınklıýzıvti bilim berýdiń jahandyq haby retinde tanylǵany týraly jazdyq.