Qazaqstan áıelderi qoǵamda tatýlyq pen kelisimniń ornyǵa túsýine atsalysyp otyr - QHA
«Qymbatty áıelder!
Sizderdi kóktemniń shýaqty merekesi - Halyqaralyq áıelder kúnimen quttyqtaýymyzdy qabyl alyńyzdar!
Bul meıirimge toly jarqyn mereke bizdiń júrekterimizdi ómir beretin, súıispenshiligine bóleıtin, qýanysh syılaıtyn jáne qınalǵan sátterde qoldaıtyn Áıelge degen názik sezimdermen toltyrady.
Bul kúni Qazaqstannyń barsha halqy áıelge qurmet-qoshemet kórsetip, onyń jasampaz róline bas ıedi.
Sizder, Qazaqstan áıelderi, saıasat pen bızneste, ǵylymı-óndiristik jáne áleýmettik-mádenı salalarda jetekshi oryndarǵa ıe bolyp, qoǵamda tatýlyq pen kelisim, meıirimdilik pen tynyshtyq, senim men úmit ornyǵa túsýine atsalysyp otyrsyzdar.
Halyqaralyq áıelder kúni bizdiń bárimizge tirshiliktiń asa mańyzdy qundylyqtary - yntymaqtastyq, izgilik, rızashylyq, meıirimdilik qasıetterin tereńirek sezinýimizge múmkindik beredi.
Eń bastysy, sizder qasıetti jerimizge tirlik dánin seýip, balalarymyz - Uly Dala Eliniń azamattaryn tárbıelep otyrsyzdar.
Qymbatty analarymyz, ómirlik serikterimiz, qaryndastarymyz ben qyzdarymyz!
Sizdermen birge ómirimiz mánge tolyp, onyń danalyǵyn uǵamyz.
Endeshe, kóktemniń osy merekeli kúninde sizderge arnalyp eń izgi tilekter aıtylsyn!
Osy shýaqty merekeni otbasynda, ózderińizdi sheksiz súıetin azamattardyń, baqytty balalaryńyzdyń, adal dostaryńyzdyń ortasynda qarsy alýlaryńyzǵa tilektespiz
Armandaryńyz oryndalyp, júzderińizde baqyttyń nury jaınasyn!
Ómirlerińiz tatýlyq pen kelisim, ózara túsinistik pen qýanyshqa toly bolsyn!
Mereke qutty bolsyn, qymbatty hanymdar men arýlar!», - delingen Qazaqstan halqy Assambleıasynyń merekelik quttyqtaýynda.
