Qazaqstan áıelderdiń memlekettik qurylymdarǵa qatysýyn arttyrý jónindegi BDIPCh baǵdarlamasyna qoldaý bildiredi- Q. Saýdabaev
A. Qańtardyń 20-sy. QazAqparat /Qanat Mámetqazyuly/ - Qazaqstan áıelderdiń memlekettik qurylymdarǵa qatysýyn arttyrý jónindegi BDIPCh baǵdarlamasyna qoldaý bildiredi.
Aǵymdaǵy jyldyń maýsym aıynda Astanada toleranttyq pen mádenıetaralyq dıalog taqyrybynda EQYU konferentsııasy ótedi. Búgin elordada EQYU-nyń qazirgi tóraǵasy, QR Memlekettik hatshysy-Syrtqy ister mınıstri Qanat Saýdabaev elimizde tirkelgen dıplomatııalyq korpýs ókilderimen kezdesýi barysynda osylaı málim etti, dep habarlaıdy QazAqparat.
EQYU qazirgi tóraǵasynyń aıtýynsha, aldaǵy ýaqytta Qazaqstan genderlik teńdikti damytý jáne áıelderdiń qoǵamdyq-saıası ómirge belsene aralasýyn arttyrý jóninde keńester ótkizýdi josparlaıdy. Bul rette Qazaqstan áıelderdiń memlekettik qurylymdarǵa qatysýyn arttyrý jónindegi BDIPCh baǵdarlamasyna ko-sponsor retinde shyǵýǵa nıetti. «Budan basqa, adamı ólshemder boıynsha Qazaqstan sot júıesiniń táýelsizdigin nyǵaıtýǵa, sondaı-aq jekkórýshilik saldarynan bolatyn qylmystardyń aldyn alý sekildi mańyzdy máselelerge nazar aýdarylatyn bolady. Sonymen birge, adamı ólshemderge qatysty taǵy bir mańyzdy is-shara retinde adam saýdasynyń aldyn alýǵa arnalǵan máselelerdi talqylaıtyn jıyn ótkizýdi usynamyz», dedi Q. Saýdabaev.
