Qazaqstan áıelder kúresinen U17 álem chempıonatyn eki medalmen aıaqtady
ASTANA. KAZINFORM — Qazaqstandyq balýan Іnjý Baqqoja Ázirbaıjannyń Baký qalasynda ótip jatqan U17 álem chempıonatynda úshinshi oryn aldy.
Otandasymyz 46 kelige deıingi salmaqta qola júlde úshin ótken beldesýde reseılik Alına Baranovany 8:2 esebimen jeńdi.
Sondaı-aq 61 kelige deıingi salmaqta Arýjan Baqytnur qola júlde úshin kúresti. Degenmen úndistandyq Avanshıkaǵa jol berdi.
Osylaısha Qazaqstan áıelder quramasy álem chempıonatyn bir kúmis, bir qola medalmen aıaqtady. Buǵan deıin Aısha Ábdimálik (65 kelige deıin) kúmis medal alǵan edi.
Eske salaıyq, buǵan deıin semserlesýden alǵash ret álem chempıony atanǵan Qazaqstan erler quramasy elge oralǵanyn habarlaǵan edik.
