Qazaqstan áıelder quramasy Estonııadan jeńilip, Eýro-2023 irikteýin aıaqtady

ASTANA.QazAqparat - Fýtboldan 19 jasqa deıingi Qazaqstan áıelder quramasy 2023 jylǵy Eýropa chempıonatynyń irikteý týrnırinde qatarynan ekinshi ret jeńiliske ushyrady, dep habarlaıdy QazAqparat Sports.kz-ke silteme jasap.

6-toptaǵy B lıgasynyń ekinshi matchynda qazaqstandyq fýtbolshylar Estonııa quramasymen kezdesip, 0:2 esebimen utyldy. Estonııalyqtarda Lısandra Rannasto kezdesýdiń basynda-aq dýbl jasap úlgerdi.
Qazaqstan quramasy qatarynan ekinshi matchta jeńilip qaldy. Birneshe kún buryn Ýels quramasynan 2:5 esebimen utyldy. Estonııa men Ýelske keletin bolsaq, olardyń árqaısysynda úsh upaıdan bar jáne 10 sáýirdegi betpe-bet kezdesýde A lıgasyna kim ótetini jáne kelesi irikteý kezeńine kimniń qatysatyny anyqtalady.