Qazaqstan áıelder quramasy tennısten álemdik reıtıngide joǵarylady
ASTANA. KAZINFORM – Tennısten Qazaqstan áıelder quramasy álemdik reıtıngidegi ornyn jaqsartty.
Buǵan deıin ulttyq qurama toǵyzynshy satyda turǵan edi. Sońǵy jańartylǵan tizimde Qazaqstan jetinshi orynǵa kóterilip, úzdik bestikke birtaban jaqyndaı tústi.
Qazaqstan Tennıs federatsııasy málimetinshe, bul oń ózgeris Bıllı Djın Kıng kýbogynyń irikteý kezeńinde Kanada quramasyn jeńýdiń nátıjesinde múmkin boldy. Astanada ótken kezdesý 3:1 esebimen aıaqtaldy.
Osy jeńis qazaqstandyq tennısshilerge 2026 jyldyń kúzinde Qytaıdyń Shenchjen qalasynda ótetin týrnırdiń fınaldyq kezeńine joldama alýǵa múmkindik berdi.
Italııa - álemdik reıtıngide kósh bastap tur. Ekinshi oryndy Ulybrıtanııa saqtap qalsa, úzdik úshtikti Ýkraına túıindedi.
Buǵan deıin Jibek Qulambaeva álemdik reıtıngide joǵary kóterilgenin jazǵan bolatynbyz.
Áıelder tennısi qaýymdastyǵy (WTA) AQSh-taǵy Maıamı týrnırinen keıin jańartylǵan reıtıngini jarııa etti.
