Qazaqstan áıelder quramasy sý dobynan Azııa chempıonatynyń qola júldegeri atandy

ASTANA. KAZINFORM - Qytaıdyń Chjaotsın qalasynda ótken Azııa chempıonatynda Qazaqstan áıelder quramasy sý dobynan qola medal ıelendi.

Úshinshi oryn úshin ótken matchta Qazaqstan quramasy Ózbekstandy 13:6 esebimen utyp, qola júldege qol jetkizdi.

Jalpy áıelder arasynda sý dobynan Qazaqstan, Qytaı, Japonııa, Sıngapýr, Ózbekstan, Gonkong quramalary ózara synǵa tústi. Osylaısha jalpy, qazaqstandyq vaterpolshy qyzdar týrnır barysynda bes oıyn ótkizdi.

Ulttyq qurama sapynda Marııa Martynenko, Anna Novıkova, Anastasııa Tsoı, Madına Rahmanova, Vıktorııa Kaplýn, Valerııa Kolesnıchenko, Mılena Nabıeva, Olga Vorontsova, Alına Ozkaıa, Valerııa Anosova, Darıa Pochınok el namysyn qorǵady.

Esterińizge sala keteıik, osyǵan deıin atalǵan týrnırde Qazaqstan erler quramasy da qola júldeni jeńip alǵanyn jazǵan bolatynbyz.