Qazaqstan áıelder quramasy sapynda bokstan álem kýbogyna kimder qatysady
ASTANA. KAZINFORM — Dúbirli doda 15-21 maýsym aralyǵynda Gýıang qalasynda jalaýyn kóteredi. Bul básekede elimizdiń atynan Alýa Balqybekova, Nazym Qyzaıbaı, Elına Bazarova, Vıktorııa Grafeeva, Aıda Ábikeeva, Laýra Esengeldi, Natalıa Bogdanova, Valerııa Aksenova jáne Dına Islambekova qatysady.
Álem kýbogy kezeńi aldynda aýqymdy halyqaralyq jıyn ótkiziledi. Onda AQSh, Kanada, Brazılııa, Ózbekstan, Italııa, Frantsııa, Ońtústik Koreıa sekildi 19 eldiń bylǵary qolǵap sheberleri sheberligin shyńdaıdy.
Aıta ketsek, budan buryn qazaqstandyq boksshylar Brazılııanyń Fos-dý-Igýasý qalasynda 20-26 sáýir aralyǵynda ótken álem kýbogyn úzdik úshtikte aıaqtady.
Qazaqstandyq boksshylar bedeldi básekeni úsh altyn, bir kúmis, úsh qola medalmen aıaqtady. Bedeldi básekede Sultanbek Aıbaruly (85 keli), Valerııa Aksenova (80 keliden joǵary), Vıktorııa Grafeeva (60 keli) jeńimpaz tuǵyryna kóterildi.
Al Aıda Ábikeeva (65 keli) kúmis medal alsa, Alýa Balqybekova (51 keli), Jibek Jarasqyzy (80 keli), Dıas Moljigitov (80 keli) qola júldeger boldy.
Al fınaldyq kezeń qarasha aıynda Ózbekstanda ótedi. Degenmen naqty kúni men jarys ótetin qala ázirge belgilengen joq.
Eske salsaq, budan buryn Saǵadat Nurmaǵambetovti eske alý týrnırinde Qazaqstan quramasy 35 medal jeńip aldy.
