Qazaqstan áıelder quramasy regbıden Azııa serııasy kezeńinde júldege bir qadam jetpeı qaldy
ASTANA. KAZINFORM — Qazaqstan áıelder quramasy regbı-7-den Shrı-Lankanyń Kolombo qalasynda ótken Azııa serııasynyń kezeńinde tórtinshi oryn aldy.
Toptyq kezeńde qazaqstandyq regbıshiler Qytaı quramasyna 7:31 esebimen ese jiberdi. Keıin Shrı-Lanka (32:5) men Ózbekstan (36:0) quramalaryn jeńdi.
Shırek fınalda Qazaqstan quramasy Taılandtan 10:5 esebimen basym túsip, jartylaı fınalǵa shyqty. Alaıda bul kezeńde Japonııa quramasyna 5:42 esebimen jol berdi.
Qola medal úshin ótken kezdesýde qazaqstandyqtar Gonkong quramasyna qarsy oınap, 5:14 esebimen jeńilip qaldy.
Týrnırde Japonııa quramasy jeńimpaz atandy. Fınalda japonııalyq regbıshiler Qytaı quramasyn 14:7 esebimen jeńdi.
Eske salaıyq, buǵan deıin Dıas Kenjebek para júzýden Azııa rekordyn jańartyp, qurlyqtyq dodanyń chempıony atanǵanyn habarlaǵan edik.
