11:05, 24 Aqpan 2025 | GMT +5
Qazaqstan áıelder quramasy konkımen júgirýden álem kýbogy kezeńinde úshinshi oryn aldy
ASTANA. KAZINFORM – Konkımen júgirýden Qazaqstan áıelder quramasy álem kýbogynyń jalpy esebinde úshinshi orynǵa ıe boldy. Bul týraly QR UOK habarlady.

Polshanyń Tomashýv-Mazovetsk qalasynda ótip jatqan álem kýbogy kezeńinde bizdiń sportshylar komandalyq sprıntte besinshi bolyp márege jetti. Atalmysh dıstsıplınada ótken úsh kezeńniń qorytyndysy boıynsha Nadejda Morozova, Krıstına Sılaeva jáne Darıa Vajenına jalpy esepte úshinshi orynǵa ıe boldy.
Birinshi oryndy Polsha quramasy jeńip aldy. Kúmis medal Kanada sportshylaryna buıyrdy.
Aıta keteıik, buǵan deıin Polshada ótip jatqan álem kýbogy kezeńinde Evgenıı Koshkın 500 metr qashyqtyqta altyn medal jeńip alǵan edi.