Qazaqstan áıelder quramasy Islam oıyndarynda kúmis medalǵa ıe boldy

ASTANA. KAZINFORM – Er-Rııadta (Saýd Arabııasy) gandboldan áıelder arasynda fınaldyq báseke ótti.

Sheshýshi matchta Qazaqstan men Túrkııa quramalary kezdesti. Oıyn tartysqa toly boldy.

QR UOK málimetinshe, nátıjesinde Túrkııa quramasy 34:31 esebimen jeńiske jetti. Al Qazaqstan quramasy Islam yntymaqtastyǵy oıyndaryn kúmis medalmen aıaqtady.

Buǵan deıin Qazaqstan áıelder quramasy Islam yntymaqtastyǵy oıyndarynyń fınalyna shyqqanyn jazǵan bolatynbyz.

Aıta keteıik, qazaqstandyq sportshy Jibek Qulymbetova djıý-djıtsýdan Er-Rııadtaǵy (Saýd Arabııasy) Islam yntymaqtastyǵy oıyndarynda ekinshi oryn aldy.

Rızabek Aıtmuhan Olımpıada chempıonyn aıqyn basymdyqpen jeńdi.

Ajar Salyqova Islam yntymaqtastyǵy oıyndarynda kúmis medal enshiledi.