Qazaqstan áıelder quramasy gandboldan Azııa chempıonatynyń jartylaı fınalyna ótti

ASTANA. KAZINFORM – Qazaqstan áıelder quramasy gandboldan Nıý-Delıde (Úndistan) ótip jatqan Azııa chempıonatynyń toptyq kezeńin sátti aıaqtady, dep habarlaıdy Ulttyq olımpıadalyq komıtet.

Nátıjesinde, koreıalyqtar alty upaı jınap, birinshi orynmen jartylaı fınalǵa ótti. Qazaqstan quramasy tórt upaımen ekinshi oryn alyp, jartylaı fınalǵa joldama aldy.

8 jeltoqsanda bizdiń qurama fınalǵa shyǵý úshin Japonııamen oınaıdy. Ońtústik Koreıa jartylaı fınalda Iranmen kezdesedi.

Al Qytaı men Sıngapýr 5-8 oryndar úshin matchtar ótkizedi.

Esterińizge sala keteıik, toptyq kezeńniń sońǵy oıynynda otandastarymyz Sıngapýrdy oısyrata jeńdi. Al toptaǵy ekinshi matchta Ońtústik Koreıa Qytaı quramasyna esh múmkindik bermedi.