Qazaqstan áıelder quramasy gandboldan álem chempıonatynda baq synaıdy

ASTANA. KAZINFORM - 26 qarashada gandboldan áıelder arasyndaǵy álem chempıonaty bastalady.

QR UOK málimetinshe, álem birinshiligi Germanııa men Nıderlandta ótedi. Qazaqstannyń áıelder quramasy aldyn ala kezeń oıyndaryn Germanııanyń Trır qalasynda ótkizedi.

Bizdiń qurama H tobyna tústi. Bul toptaǵy qarsylastary: Angola, Norvegııa jáne Ońtústik Koreıa bolmaq. 27 qarashada qazaqstandyqtar Angola quramasymen kezdesedi.

Aıta keteıik, ótken álem chempıonatynda Frantsııa jeńimpaz atanǵan edi. Norvegııa ekinshi oryn alyp, Danııa qola júldege ıe bolǵan.

Qazaqstan áıelder quramasy Islam oıyndarynda kúmis medalǵa ıe bolǵanyn jazǵan bolatynbyz.