Qazaqstan áıelder quramasy Azııa chempıonatynda medal sany jóninen qaı orynda
ASTANA. KAZINFORM - Mońǵolııa astanasy Ulanbatyr qalasynda ótip jatqan World Boxing aıasyndaǵy 2026 jylǵy Azııa chempıonatynda Qazaqstan áıelder quramasynyń medaldar sany jóninen qaı oryn alǵany belgili boldy.
Otandastarymyz qurlyqtyq dodada 2 altyn, 1 kúmis, 2 qola júldege qol jetkizdi.
Bedeldi básekede Nadejda Rıabets (80 keli), Dına Islambekova (80 keliden joǵary) Azııa chempıony atansa, Baqyt Seıdish (70 keli) kúmis júldeger boldy.
Sondaı-aq Áıgerim Sáttibaeva (48 keli), Valentına Halzova (70 keli) úzdik úshtikti túıindedi.
Elimizdiń áıelder quramasy medaldar sany jóninen ekinshi orynǵa turaqtady. Kósh basynda turǵan Úndistannyń 4 altyn, 2 kúmis, 4 qola medali bar.
Medaldar kestesi
1. Úndistan - 4 altyn, 2 kúmis, 4 qola
2. Qazaqstan - 2-1-2
3. Qytaı - 2-0-3
4. Qytaılyq Taıbeı — 1-1-2
5. Taıland - 1-0-1
6. Soltústik Koreıa - 0-3-0
7. Ózbekstan - 0-2-3
8. Mońǵolııa - 0-1-1
9. Ońtústik Koreıa - 0-0-1
9. Tájikstan - 0-0-1.
Qurlyqtyq dodada endi 10 sáýirde erler quramasynan bes boksshymyz altyn medaldy sarapqa salady. Olardyń qatarynda Orazbek Asylqulov (60 keli), Tórehan Sabyrhan (70 keli), Sabyrjan Aqqalyqov (75 keli), Nurbek Oralbaı (85 keli), Aıbek Oralbaı (90 keliden joǵary) bar.
