Qazaqstan áıelder quramasy arbadaǵy tennısshiler úshin sheberlik saǵatyn ótkizdi
ASTANA. KAZINFORM – Tennısten Qazaqstan áıelder quramasy Bıllı Djın Kıng kýbogynyń Koreıa Respýblıkasymen elordada 16-17 qarashada ótetin pleı-off matchyna daıyndalyp jatyr.
Qazaqstan tennıs federatsııasy arbadaǵy tennısshiler úshin sheberlik saǵatyn uıymdastyryp, oǵan ıÝlııa Pýtıntseva, Anna Danılına, Zarına Dııas, Sonıa Jıenbaeva jáne Sandýǵash Kenjebaeva qatysty.
Arbadaǵy tennısshiler ulttyq qurama múshelerimen jeke-jeke aınalysyp, oıyn tehnıkasy boıynsha suraq qoıýǵa múmkindik aldy. Jattyǵýdan keıin qoltańba alyp, sýretke tústi.
Qurama músheleri arbadaǵy tennısshilerge aqyl-keńesterin berdi. Mundaı sheberlik saǵaty arbadaǵy tennıspen aınalysýshylar qataryn kóbeıtýge septigin tıgizedi.
Ulttyq qurama kóshbasshysy Elena Rybakına áýe reısiniń kidirip, Astanaǵa kesh ushyp kelýine baılanysty bul is-sharaǵa qatysa almady.
Eske sala keteıik, budan buryn Devıs kýbogynda Qazaqstan jasóspirimder quramasynyń alǵash ret shırek fınalǵa shyqqanyn jazǵan bolatynbyz.
