Qazaqstan áıelder quramasy alǵash ret álemdik reıtıngide 6-orynǵa kóterildi

ASTANA. KAZINFORM — Tennısten Billie Jean King Cup álemdik komandalyq reıtıngisi jańartyldy.

Qazaqstan áıelder quramasy 12-den birden 6-orynǵa kóterildi. 

Osylaısha, Qazaqstan áıelder quramasy tennıs tarıhynda alǵash ret úzdik altylyqqa endi.

Qazaqstandyqtar Chehııa, Germanııa, Aýstralııa, Japonııa, Belgııa, Frantsııa komandalaryn artqa qaldyrdy. 

Ótken jylǵy álem chempıony Italııa kósh bastasa, Ulybrıtanııa ekinshi, AQSh úshinshi satyda tur. Ispanııa tórtinshi, Kanada besinshi orynǵa taban tiredi.

Ótken aıda Qazaqstan áıelder quramasy irikteý týrnırinde tabysty óner kórsetip, óz tarıhynda úshinshi ret komandalyq álem chempıonatynyń fınaldyq kezeńine joldama alǵan edi. 

Álemniń úzdik segiz komandasy bas qosatyn fınaldyq doda 16-21 qyrkúıekte Qytaıdyń Shenchjen qalasynda ótedi.

Eske sala keteıik, budan buryn Jibek Qulambaevanyń Germanııadaǵy jarysty kambekpen fınalǵa ótkenin jazǵan edik.