Qazaqstan áıelder komandasy Azııa chempıonatynda taǵy eki qola enshiledi
NUR-SULTAN. QazAqparat - Búgin kúres túrlerinen Azııa chempıonatynda áıelder arasyndaǵy báseke aıaqtaldy. Qazaqstan komandasy taǵy da eki qola jeńip aldy, dep habarlaıdy Olympic.kz.
65 kelide beldesken Aına Temirtasova men 72 kelidegi Jámıla Baqbergenova qurlyq chempıonatynyń qolasyn enshiledi. Al osyǵan deıin Valentına Islamova men Marına Sedneva tuǵyrdyń úshinshi satysynan kóringen edi.
Osylaısha, Qazaqstan áıelder quramasy Azııa chempıonatynan tórt qola medal oljalady.
