Qazaqstan avtorynogynda kólik satýda «Lada» aldyńǵy qatarda tur
ASTANA. Tamyzdyń 13-i. QazAqparat - 2010 jylǵy shildede Qazaqstannyń resmı avtodıleri 1826 jeńil jáne jeńil kommertsııalyq kólik satty, bul ótken jylmen salystyrǵanda 2,8% artyq. Al, maýsymnyń kórsetkishimen salystyrǵanda 6% joǵary. Bul jóninde «Qncepto» konsaltıngtik kompanııa habarlaıdy.
Jyl basynan bergi ýaqytta Qazaqstan avtorynogynda shilde naǵyz nátıjeli aı boldy.
«Lada» taǵy da satýdyń berik kóshbasshysy atandy. Reseıde jáne Qazaqstanda jasalǵan kólikterdiń satylýy shilde aıynda 360 danaǵa jetti.
2010 jyldyń mamyrynan bastap ekinshi oryndy Toıota ıelenip keledi. Ótken aıda atalmysh kóliktiń eki júz on bes danasy satyldy. Úshinshi orynda Qazaqstanda 194 satyp alýshysy tabylǵan UZ-Daewoo kóligi tur.
