Qazaqstan avtorlyq týr boıynsha – TMD elderiniń úzdik úshtiginde

NUR-SULTAN. QazAqparat – TýrStat týrıstik portaly avtorlyq týr boıynsha TMD elderiniń suranysqa ıe memleketterin atady, dep habarlaıdy QazAqparat tilshisi.

«Qazaqstandaǵy Almaty qalasy men Almaty oblysy, Býrabaı men Aqtaý, Belarýstegi Mınsk, Mınsk oblysy men Vıtebsk, Ázerbaıjandaǵy Baký, Shekı men Gabala, Armenııadaǵy Erevan men Sevan, Ózbekstandaǵy Buqara men Samarqan avtorlyq týr boıynsha suranysqa ıe baǵyttar bolynp sanalady», - dep habarlaıdy TýrStattan.

Qazirgi tańda avtorlyq týr – týrızmniń tanymal bolyp kele jatqan túri. Ásirese, trevel-blogerlerdi avtorlyq týrlar men ekskýrsııalar erekshe qyzyqtyratyn kórinedi. Jalpy, avtorlyq týr degenimiz – 5-15 adamnan turatyn toptyń trevel-sarapshylarmen birge týrǵa shyǵýy.

«Suranysqa ıe týrlardyń qataryna – gastronomııalyq, ekskýrsııalyq, trekkıng-týrlar, ekspedıtsııalar, djıp jáne foto-týrlar jatady. Bir aptalyq avtorlyq týr úshin týrıster 1-1,5 myń dollarǵa deıin aqsha jumsaýǵa daıyn», - delingen keltirilgen málimette.

TýrStat atalmysh reıtıngti avtorlyq týrlar men demalysqa qatysty usynystardy taldaı otyryp jasaǵan.