Qazaqstan avtoóndirisiniń rekordy: Jyl basynan beri elde 45,2 myń kólik shyǵarylǵan
NUR-SULTAN. QazAqparat – Qazaqstan avtobıznes qaýymdastyǵynyń málimetine súıensek, bıyl elde byltyrǵydan qaraǵanda 54,7 paıyz artyq kólik shyǵarylǵan, dep habarlaıdy QazAqparat tilshisi.
«2019 jyldyń qarashasynda el aýmaǵynda barlyq tıptegi 6 255 avtokólik shyǵaryldy. Jalpy, ústimizdegi jyldyń on bir aıynda Qazaqstanda jalpy 45 208 kólik qurastyryldy. Óndiris kólemi 2018 jyldyń qańtar-qarasha aılaryndaǵy nátıjelerden 54,7 paıyzǵa artyq. Bul qazaqstandyq avtokólik ónerkásibi tarıhyndaǵy eń joǵary kórsetkish (aldyńǵy rekord 2013 jyly 40 963 bolǵan)», - dep habarlaıdy qaýymdastyqtan.
Jyl basynan bergi 11 aıda Qazaqstanda 39 589 jeńil avtokólik (+ 45,2%), 3 731 júk kóligi (+ 283%), 966 avtobýs (+ 200%), 788 tirkeme/jartylaı tirkeme (+ 65,2%) jáne 134 dana ózge kólik túrleri qurastyrylǵan. Jyl qorytyndysy boıynsha Qostanaı «SaryarqaAvtoÓndiris» kompanııasy kóshbasshy orynǵa ıe. Munda 22 875 dana kólik shyǵarylǵan. Onyń 2 137-i eksporttalǵan.
Qazirgi málimet boıynsha, Óskemendegi «Azııa Avto» kásipornynda 18 222 avtokólik (+ 8,6%) jınalǵan. SemAZ - Semeı kommertsııalyq kólik zaýyty óndiristi bıyl bes ese arttyryp, 1 668 birlikke jetkizip otyr. Kókshetaýdaǵy «KAMAZ Injınırıng» 880 júk kóligi men arnaıy tehnıkany shyǵardy. Daewoo Bus jáne Hyundai Trans Auto árqaısysy sáıkesinshe 345 jáne 340 kólik shyǵarǵan.
