Qazaqstan avtonaryǵy jyldam damýshy elderdiń álemdik reıtınginde 4-orynda kele jatyr
ALMATY. 29 qazan. QazAqparat - 2013 jyldyń alǵashqy jartyjyldyǵynyń qorytyndysy boıynsha avtonaryǵy jyldam damýshy elderdiń álemdik reıtıngi jasaldy. 102 paıyzdyq ósimge qol jetkizgen Perý bastaǵan kóshbasshylar tiziminde Qazaqstan tórtinshi satyda tur.
Qazaqstan avtobıznes qaýymdastyǵynyń prezıdenti Andreı Lavrentevtiń sózine qaraǵanda, satý kórsetkishi boıynsha kelesi bir álemdik reıtıngte Qazaqstan bıyl 54-ten 47-satyǵa kóterilgen. Onda 6 aıda 10 mln. avtomobıl satqan Qytaı birinshi orynda kele jatyr. Odan keıingi orynda AQSh, Japonııa, Brazılııa jáne Germenııa elderi tur.
Qazaqstanda qyrkúıek aıynda 16,2 myńnan astam kólik satylǵan kórinedi. Al onyń jalpy sany jyl basynan beri 116 myńdy qurap otyr. Aldyńǵy 2 toqsanǵa qaraǵanda úshinshi toqsanda saýda birshama joǵary boldy. Máselen maýsym-qyrkúıek aılarynda ótken jyldyń sáıkes kezeńimen salystyrǵanda ósim 85 paıyzǵa artqan.
