Qazaqstan avtokólik saýdasy kólemi boıynsha burynǵysynsha top-50 elderdiń qataryna kirip otyr
ASTANA. QazAqparat - Qazaqstan naryqta avtokólik saýdasy kólemi boıynsha burynǵysynsha top- 50 elderdiń qataryna kirip otyr. Bul týraly búgin Qazaqstan mashına jasaýshylarynyń úshinshi forýmynda PricewaterhouseCoopers kompanııasy avtomobıl-logıstıkalyq damytý salasy baǵytyndaǵy dırektory Shalqar Nurtileýov málim etti.
«Alǵashqy bes aıda Qazaqstanda 67 myń jańa avtokólik tirkeldi. Árıne, bul kórsetkish ótken jylǵa qaraǵanda tómendeý, biraq qarqyn saqtalýda. Qazaqstan burynǵysynsha naryqtaǵy kólik saýdasy kólemi boıynsha top-50 eldiń qatarynda. Biz bul jaǵdaıdy jaqsy nyshan retinde baǵalap otyrmyz», - dedi ol.
Sh. Nurtileýovtiń sózine qaraǵanda, búginde elimizdegi avtomobıldiń ortasha jasy - 12 jyl.
«Bul turǵyda aıtarym, Qazaqstanda jańa kólikterdiń ósiminiń qarqyny jaqsy, ıaǵnı eski avtomobılderdiń úlesi jyl saıyn azaıyp keledi. Buǵan memlekettik retteý sharalary áser etýde. Atap aıtqanda, engizilgen tehnıkalyq reglament, kólikti satyp alýǵa negizdelgen jeńildetilgen nesıelendirý boıynsha memlekettik qoldaý oń yqpal etti»,- dedi ol.
