Tramp: Qazaqstan — meniń ekinshi merzimimde Ibrahım kelisimine qosylǵan birinshi el
ASTANA. KAZINFORM — AQSh Prezıdenti Donald Tramp Qazaqstannyń Ibrahım kelisimine qosylýyn álem elderi arasynda altyn kópir ornatýdaǵy mańyzdy qadam dep baǵalady.
— Qazir ǵana Qazaqstan Prezıdenti Qasym-Jomart Toqaevpen birge Izraıl premer-mınıstri Bınıamın Netanıahýmen telefon arqyly sóılestim. Qazaqstan meniń ekinshi merzimimde Ibrahım kelisimine qosylǵan birinshi elge aınaldy jáne bul basy ǵana. Bul — búkil álem boıynsha altyn kópir ornatýdaǵy alǵashqy úlken qadam. Búginde kóptegen el meniń Avraam kelisimim arqyly beıbitshilik pen órkendeýdi qabyldaýǵa nıet tanytyp otyr. Taıaý ýaqytta muny resmı jasaý úshin qol qoıý rásimi jaıyn jarııa etemiz jáne de kóptegen el osynaý kúsh klýbyna qosylýǵa tyrysyp jatyr. Elderdi turaqtylyq pen ósim — naǵyz progress, shynaıy nátıje úshin biriktirýde áli de kóp dúnıe isteý qajet, — dep jazdy AQSh Prezıdenti.
Buǵan deıin Qazaqstannyń Ibrahım kelisimine qosylatynyn habarlaǵan edik.
Sondaı-aq Prezıdent Qasym-Jomart Toqaev Aq úıge barǵanyn jazǵan edik.