Qazaqstan Ibrahım kelisimine qosylady
VAShINGTON. KAZINFORM – Bul - AQSh-tyń qoldaýymen Izraıl, arab jáne musylman álemi arasyndaǵy yntymaqtastyq alańy retinde Ibrahım kelisimderin jańǵyrtýǵa baǵyttalǵan qadam, dep habarlaıdy Kazinform agenttiginiń menshikti tilshisi.
Amerıkalyq Axios basylymynyń habarlaýynsha, Qazaqstan men Izraıl 30 jyldan astam ýaqyttan beri dıplomatııalyq qarym-qatynastardy damytyp keledi. Alaıda, jańa kelisim Vashıngtonnyń baǵalaýynsha, dinı tózimdilik pen óńiraralyq dıalogtyń nyshanyna aınalady.
🇰🇿🇺🇸New: Kazakhstan President Kassym-Jomart Tokayev is expected to announce during a meeting with President Trump on Thursday that his country will join the Abraham Accords, U.S. officials tell me. My story on @axioshttps://t.co/fkVtqI7B1Z
— Barak Ravid (@BarakRavid) November 6, 2025
Aq úıdegiler Qazaqstannyń kelisimge qosylýy Gaza sektoryndaǵy soǵystan keıin Izraıldi halyqaralyq qoldaýdy qalpyna keltirý baǵytyndaǵy alǵashqy qadam bolatynyn aıtady.
AQSh sheneýniginiń sózinshe, kelisimge jańa musylman memleketteriniń qosylýy Izraıldiń legıtımdiligin nyǵaıtyp, óńirdegi beıbitshilik pen yntymaqtastyqqa jasalǵan jańa qadam bolady.
Izraıldiń BAÁ, Bahreın jáne Marokkomen qarym-qatynasyn jetildirý jónindegi kelisim Tramptyń birinshi prezıdenttik qyzmetindegi sheshýshi dıplomatııalyq jetistik bolatyn.
Endi Vashıngton óńirlik yntymaqtastyq pen dinaralyq óziri túsinistikti damytýǵa ekpin túsire otyryp, bul formatty keńeıtýdi kózdep otyr.
Aq úı Saýd Arabııasynyń Taq murageri Muhammed bın Salmannyń 18 qarashada Vashıngtonǵa jasaıtyn saparynyń aldynda Avraam kelisimine serpin bermek.
Maıamıdegi ekonomıkalyq konferentsııada sóılegen sózinde Tramp Saýd Arabııasynyń AQSh-taǵy elshisi, Rıma bınt Bandarǵa Er-Rııadty kelisimge múshe elderdiń qatarynan kórgisi keletinin aıtqan.
Aıta keteıik, Qasym-Jomart Toqaevtyń Vashıngtonǵa sapary Memlekettik hatshy Mark Rýbıomen, Saýda mınıstri Govard Latnıkpen, sondaı-aq AQSh Prezıdentiniń Ońtústik jáne Ortalyq Azııadaǵy arnaıy ókili Serdjıo Gormen kezdesýden bastaldy.
Sonymen qatar Qazaqstan men AQSh asa mańyzdy mıneraldar týraly memorandýmǵa qol qoıdy.