Qazaqstan avıatsııasy ushý bıiktiginiń fýttyq júıesine kóshedi
ASTANA. QazAqparat - Qazaqstannyń avıtsııa salasynda ushý bıiktiginiń ólshemi fýttyq júıege kóshirilmek, dep habarlaıdy QazAqparat tilshisi QR IDM Azamattyq avıatsııa komıtetiniń Feısbýktegi paraqshasyna silteme jasap.
Habarlanyp otyrǵanyndaı, 2018 jylǵy kóktemgi-jazǵy navıgatsııa maýsymy qarsańynda QR IDM Azamattyq avıatsııa komıtetiniń bastamasymen azamattyq avıatsııa máseleleri boıynsha úlken salalyq keńes ótken. QR Bas kólik prokýratýrasy atynan Almaty qalasynyń avıatsııalyq prokýrory, shaǵyn avıatsııa paıdalanýshylary, áýe kompanııalarynyń jáne áýejaılardyń 90-nan astam ókili qatysty.
Azamattyq avıatsııa komıtetiniń tóraǵasy Talǵat Lastaev keńeske qatysýshylardy sońǵy ýaqyttaǵy saladaǵy jetistiktermen tanystyrdy. Komıtet óz qyzmetin álemdegi eń ozyq bolyp tabylatyn brıtandyq úlgige sáıkestendirý protsesine kiriskendigi týraly erekshe atalyp ótti. Ózgerister tek komıtettiń qurylymyn ǵana emes, negizgi qadaǵalaý jáne baqylaý fýnktsııalaryn da qamtymaq.
«Eń basty ózgeristerdiń biri - jýyq arada ushý bıiktigin ólsheý «fýttyq» (1 fýt - 0,3048 metr - avt.) júıege kóshetin bolady. Bul rette, shaǵyn avıatsııa úshin qosymsha suraýlary boıynsha metrlik júıede ushýǵa ruqsat berý múmkindigi qarastyrylyp otyr. Avıatsııalyq kadrlardy daıarlaý júıesine túbegeıli ózgeristerdi engizý boıynsha usynystar berildi. Keıbir mamandyqtar boıynsha oqý baǵdarlamalary tolyǵymen eýropalyq standarttarǵa sáıkestendirilgen», - delingen habarlamada.
