Qazaqstan avıatsııa salasynda CORSIA múshesi boldy
Búgin Qazaqstannyń avıatsııalyq ákimshiliginde avıatsııa salasynyń sýbektilerimen «Halyqaralyq avıatsııa úshin kómirtegi shyǵaryndylaryn óteý jáne azaıtý júıesi (CORSIA)» týraly vebınar ótti.
«Qazirgi ýaqytta azamattyq avıatsııaǵa adam qyzmetiniń nátıjesinde kómirtegi CO2 jahandyq shyǵaryndylarynyń 2% deıin keledi. Avıatsııa salasynyń qorshaǵan ortaǵa áserin eskere otyryp, 2016 jyldyń qazan aıynda IKAO Assambleıasynyń 39 sheshimimen «halyqaralyq ushýlar nátıjesinde SO2 jıyntyq emıssııasy (shyǵaryndylary) kóleminiń jyl saıynǵy ulǵaıýy máselesin sheshý» maqsatynda CORSIA jahandyq naryq tetigi bekitildi.
Klımatqa avıatsııanyń áserin azaıtý jónindegi IKAO sharalarynyń qorjynyna kiretin CORSIA júıesi halyqaralyq ushýlardy oryndaý kezinde júrgiziletin CO2 emıssııasyn óteý arqyly kómirtekti-beıtarap ósýdi qamtamasyz etýge arnalǵan», delingen habarlamada.
Maqsaty - avıatsııanyń CO2 taza shyǵaryndylaryn 2005 jylǵy shyǵaryndylardan 50% deıin qysqartý. Bul otyn tıimdiligin arttyrýdy jáne SO2 shyǵaryndylaryn turaqtandyrýdy bildiredi.
«Halyqaralyq reısterdi oryndaıtyn áýe kemelerin paıdalanýshylar barlyq halyqaralyq ushýlardan SO2 shyǵaryndylaryna monıtorıng júrgizýi tıis. 2019 jáne 2020 jyldardaǵy halyqaralyq ushýlar týraly málimetter negizinde CORSIA bazalyq deńgeıdi anyqtaıdy. Bazalyq deńgeıdi eskere otyryp, ótemaqy sharalary qoldanylatyn bolady», delingen habarlamada.
CORSIA 2021 jyldan bastap engizýdiń úsh kezeńinen turady. 2026 jyldan bastap barlyq halyqaralyq reıster úshin baǵdarlamaǵa qatysý mindetti.
Birqatar ýaqyttan beri QR IIDM Azamattyq avıatsııa komıteti jáne Qazaqstannyń avıatsııalyq ákimshiligi halyqaralyq avıatsııa úshin kómirtegi shyǵaryndylaryn óteý jáne azaıtý máseleleri boıynsha IKAO sarapshylarymen birlesip jumys isteýde.
2020 jyldyń maýsymynda Qazaqstannyń avıatsııalyq ákimshiliginiń bas dırektory Pıter Grıffıts IKAO-nyń CORSIA baǵdarlamasyna erikti túrde qatysatyndyǵyn IKAO-nyń bas hatshysy Fan Lıýge joldaǵan hatynda resmı túrde rastady.
Búgingi tańda halyqaralyq avıatsııanyń 76,76% -yn quraıtyn 85 memleket SO2 shyǵaryndylaryn óteý men joıýdyń erikti kezeńine (2021-2023 jj.) qatysýǵa daıyn ekendikterin bildirdi.
